Milliy Olimpiya qo‘mitasi va Sport vazirligi hamkorligida Olimpiya shaharchasiga press-tur o‘tkazildi.

Tadbir davomida ommaviy axborot vositalari vakillari sportchilarimiz uchun bunyod etilgan zamonaviy inshootlar bilan yaqindan tanishdilar.

Shaharchadagi har bir ob’ekt haqida mutaxassislar tomonidan batafsil ma’lumot berilib, ularda qo‘llanilgan ilg‘or texnologiyalar, zamonaviy qoplamalar va jahon standartlariga mos qurilish ishlari haqida so‘z yuritildi.

Mazkur press-tur o‘zbek sportining bugungi imkoniyatlari va qaysidir ma’noda kuchini ko‘rsatib, sportchilarimiz uchun yaratilgan sharoitlarning yuksak darajasini namoyon etdi.

Majmuadagi asosiy ob’ektlar haqida ma’lumotlar:
Asosiy stadion. Muxlislar sig‘imi: 12 152 kishi.
Velodrom. Muxlislar sig‘imi: 2 187 kishi.
Suv sporti turlari kompleksi. Muxlislar sig‘imi: 2 222 kishi.
Jamoaviy sport turlari kompleksi. Muxlislar sig‘imi: 2 016 kishi.
Yakkakurash sport turlari majmuasi. Muxlislar sig‘imi: 2 067 kishi.

Shuningdek, majmuada velosportning VMX yo‘nalishi, chim ustida xokkey, 3x3 basketbol, tennis kabi sport turlari uchun ham maydonlar qurilgan.