Madridning "Real" klubi hujumchisi Kilian Mbappe Chempionlar ligasi tarixidagi eng yaxshi to‘purarlarga yaqinlashdi.
Fransiyalik futbolchi "Marsel"ga qarshi umumiy bosqich 1-turida penaltini 2 marta aniq amalga oshirdi - 29 va 81-daqiqalarda. Endi 26 yoshli futbolchi faoliyatidagi eng nufuzli yevrokubokda 57 ta gol urdi - u bu ko‘rsatkich bo‘yicha "Bavariya"ning sobiq forvardi Tomas Myullerga yetib oldi. Ahamiyatlisi, Mbappe bu borada ancha kam o‘yin o‘tkazgan - 88 ta. Myullerda - 163 ta.
Faqatgina Raul (71), Karim Benzema (90), Robert Levandovski (105), Lionel Messi (129) va Krishtianu Ronaldu (140) Chempionlar Ligasida gollar soni bo‘yicha "qaymoqranglilar"ning hozirgi yulduzini ortda qoldirmoqda.













