Ueyn Runi zamonaviy futbolda statistikaga urg‘u berilishi haqida gapirdi.
"Klub egalari yuqori xGni xohlashadi, chunki ular yuqori xG bilan o‘yinda g‘alaba qozonish imkoniyati ko‘proq deb hisoblashadi.
Ular darvozaga yaqinroq kelishi kerak, chunki buning hisobiga xG yuqori bo‘ladi. Shu bois jamoalar amalda jarima maydoni tashqarisidan zarba bermayapti.
Frenk Lempard jarima maydoni tashqarisidan ko‘p zarba berdi, lekin uning xG ko‘rsatkichi juda past bo‘lardi. Garchi u faoliyati davomida 200 dan ortiq gol urgan bo‘lsa ham.
Hozir ko‘plab futbolchilar turli ma’lumotlarga haddan tashqari ishonib qolishmoqda", - deydi "Manchester Yunayted"ning sobiq hujumchisi Ueyn Runi.
APLning bu mavsumida bir o‘yinda o‘rtacha 7,3 marta jarima maydoni tashqarisidan zarba berilgan. To‘qqiz mavsum oldingi holat bilan solishtiradigan bo‘lsak, 2016/17 yilgi mavsumda o‘rtacha ko‘rsatkich 10,5 zarbani tashkil etgandi.
