"Real" hujumchisi Endrik qishki transferlar davrida qayerga yo‘l olishi mumkinligi ma’lum bo‘ldi.

Avvalroq, "qaymoqranglilar" o‘yin amaliyotiga ega bo‘lishni istagan braziliyalik yosh futbolchini qo‘yib yuborishga tayyorligi haqida xabarlar tarqalgan edi.

Jurnalist Mark Brusning ta’kidlashicha, Endrikni qo‘lga kiritish uchun "Real Sosyedad" favorit bo‘lib turibdi, uning Madrid klubi bosslari bilan munosabatlari juda yaxshi.

Eslatib o‘tamiz, 19 yoshli Endrik joriy mavsum bir daqiqa ham maydonda harakat qilmadi. Futbolchining "qaymoqranglilar" bilan shartnomasi 2030 yilning iyunigacha mo‘ljallangan. Transfermarkt ma’lumotlariga ko‘ra, forvardning narxi 35 million yevroni tashkil etadi.