Mashhur sobiq darvozabon Petr Chex Londonning "Arsenal" klubining joriy mavsumdagi o‘yini haqida fikr bildirdi.

"Kanonirlar" 9 turdan so‘ng 22 ochko jamg‘argan holda Premyer-liga turnir jadvalida yaqqol peshqadamlik qilmoqda. Shunisi e’tiborga loyiqki, Mikel Arteta jamoasi atigi uchta gol o‘tkazib yubordi, shuning uchun ular "Chelsi"ning 2004/05 yilgi mavsumdagi (15 ta o‘tkazib yuborilgan) rekordini yangilashlari mumkin.

"Arsenal" juda yaxshi. Ha, bu faqat boshlanishi, lekin hammasi nimadandir boshlanadi. Albatta, agar ular shu ruhda davom etsalar, ularda [rekordni yangilash] imkoniyati bo‘ladi, lekin bu mashaqqatli ish. Oldinda hali ko‘p o‘yinlar bor, omad ham kerak. O‘ylaymanki, "Arsenal" baribir bizning rekordni yangilashi qiyin bo‘ladi," - deya Chexning so‘zlarini keltiradi ingliz OAV.

Shanba kuni londonliklar "Byornli" mehmoni bo‘ladi.