"Barselona" hujumchisi Robert Levandovski yosh jamoadoshlari haqida gapirdi.
37 yoshli polshalik "ko‘k-anorranglilar"ning eng yoshi katta futbolchisi hisoblanadi. Jamoaning ko‘plab futbolchilari faxriy hujumchidan deyarli 20 yosh kichik.
"Men bu yoshda qanday bo‘lganimni, nima bilan shug‘ullanganimni eslayman va o‘zimni ular bilan taqqoslashim qiyin. Hozir ba’zi klubdoshlarimning ota-onalaridan kattaman. Yosh futbolchilar menga otasidek munosabatda bo‘lishmoqda, bu kulgili, ammo ajoyib," - deya Levandovskining so‘zlarini keltiradi ispan OAV.
Yaqinda tajribali goleador La Liga doirasida "Selta"ga qarshi o‘yinda xet-trik qayd etdi. "Bavariya" sobiq yulduzining Kataloniya grandi bilan shartnomasi kelasi yilning o‘rtalarida yakuniga yetadi.
