Angliya terma jamoasining afsonaviy hujumchisi Alan Shirerning fikricha, "Manchester Yunayted" hujumchi Benyamin Sheshko transferi uchun "RB Leypuig" klubiga ortiqcha pul to‘lagan. OAV ma’lumotlariga ko‘ra, mankunianliklar futbolchi uchun belgilangan to‘lov sifatida 74 mln funt bergan, kelishuvda bonuslar ham ko‘zda tutilgan.
"Yunayted"da yaxshiroq o‘ynashi kerak bo‘lgan futbolchi - Benyamin Sheshko. Unga taxminan 70 mln evro to‘langan. Bu katta pul, bilaman, bozor shunaqa, lekin bu juda ko‘p edi. Uning starti qiyin bo‘ldi, undan katta narsa kutmayman, to‘g‘risini aytsam.
Sheshko yaxshi o‘yinchi, lekin u bundan ortig‘iga qodir emas deb o‘ylayman. Benyamin hozirgidan bir ikkita ko‘proq gol urishi kerak edi. Mavsum boshi u uchun oson kechmadi, ayniqsa, uning uchun "Yunayted" to‘lagan summani hisobga olsak," - deya Shirerning so‘zlarini keltiradi Betfair.
