"An-Nasr" hujumchisi va sardori Krishtianu Ronaldu Portugaliya terma jamoasi qarorgohidan jamoaga qaytganidan so‘ng X ijtimoiy tarmog‘idagi sahifasida post qoldirdi.
"Qaytish," - deb yozdi futbolchi.
40 yoshli hujumchi 2026 yilgi jahon chempionati saralash bosqichi doirasida Irlandiyaga qarshi o‘yinda (2:0) qizil kartochka oldi. Shu sababli Ronaldu Armaniston bilan navbatdagi saralash o‘yinida (9:1) ishtirok etmadi.
Joriy mavsumda Ronaldu "An-Nasr" safida barcha musobaqalarda 11 ta o‘yinda maydonga tushdi va 10 ta gol hamda 2 ta golli uzatmaga mualliflik qildi.
