"Manchester Yunayted"ning sobiq vingeri Rayan Giggz MYU joriy mavsumni qanday yakunlashi borasida o‘z taxminini bildirdi. Uelslik futbolchining fikricha, "qizil iblislar"da top-4ga kirish uchun kurashish uchun yaxshi imkoniyatlar bor.
"O‘ylashimcha, biz o‘yinimizni yaxshiladik va bu yil Chempionlar Ligasi yo‘llanmasi uchun kurashish imkoniyatiga ega bo‘lishimizga ishonaman", - deb Giggzning so‘zlarini keltiradi MailSport.
Ayni paytda "Manchester Yunayted" Angliya Premyer-ligasi turnir jadvalida 6-o‘rinni egallab turibdi. "Qizil iblislar" 16 o‘yindan keyin 26 ochko jamg‘argan.
