"Chelsi" yarim himoyachisi Enso Fernandes "Manchester Siti"ga (1:1) qarshi o‘yindagi durang haqida gapirdi, shuningdek, jamoa bosh murabbiyi Enso Mareskaning iste’fosi haqida ham fikr bildirdi.
"Hafta oson kechmadi. Ammo hozir jamoa ko‘rsatgan o‘yindan mamnunmiz. Enso Mareskaning ishdan bo‘shatilishiga kelsak, bu biz uchun og‘ir lahza. U ajoyib mutaxassis va men bunday bo‘lganidan chin dildan afsusdaman. Ammo futbolda bunday holatlar bo‘lib turadi, endi oldinga siljishimiz kerak," - deya Fernandesning so‘zlarini keltiradi Sky Sports.
Eslatib o‘tamiz, Enso kecha "Siti"ga qarshi bahsda "Chelsi"ni qutqarib qolgan gol muallifiga aylangan edi. Argentinalik futbolchi ikkinchi bo‘limga qo‘shib berilgan daqiqalarda raqib darvozasini ishg‘ol qildi.













