Madridning “Real” klubida yozgi transfer oynasida qaysi pozisiyalar kuchaytirilishi allaqachon ma’lum.

Jurnalist Xose Feliks Dias xabariga ko‘ra, klub uchun asosiy ustuvor yo‘nalishlar — markaziy himoya va yarim himoya chizig‘ini yangi futbolchilar bilan mustahkamlash. Hozircha “Real” turli nomzodlarni o‘rganmoqda, aniq ismlardan iborat short-list esa mart oyidan boshlab tuzilishi kutilmoqda.

Manba ta’kidlashicha, “Real” kelasi yozda transfer bozorida juda faol ish olib borishga tayyorgarlik ko‘rmoqda. Bu faqat xaridlarga emas, balki sotuvlarga ham taalluqli. Jamoada jiddiy qayta qurish bo‘lishi ehtimoli katta. Shu bilan birga, avval xabar qilinganidek, qishki transfer oynasida hech qanday kelishuv kutilmaydi.