"Atletiko" qishki transferlar vaqtida kuchayishni istamoqda. Nufuzli insayder Fabrisio Romanoning ijtimoiy tarmoqlarda ma’lum qilishicha, Madrid klubi hujumchi Markos Leonardo bilan shaxsiy shartnoma shartlarini kelishib olgan.
Qayd etilishicha, "Atletiko" va "Al-Hilol" o‘rtasidagi muzokaralar yuqori bosqichda. Gap 22 yoshli Leonardoni 40 million yevroga sotib olish huquqi bilan ijaraga olish haqida ketmoqda.
"Atletiko" shanba kuni "Levante"ni mag‘lub eta olmadi - 0:0. "Matraschilar" La Liga turnir jadvalida uchinchi o‘rinda bormoqda.
