Madridning «Real» klubi va Argentina terma jamoasining sobiq himoyachisi Esekiel Garay Krishtianu Ronaldu va Lionel Messi bilan birga o‘ynagani haqida fikr bildirdi.
Undan Ronaldu bir jamoada o‘ynagan eng yaxshi futbolchimi, deb so‘rashdi.
«Yo‘q. Birinchi o‘rinda — Leo, ikkinchi o‘rinda — Krishtianu, shubhasiz.
Ikkalasi juda turli futbolchilar, ammo meni eng ko‘p hayratga solgani Leo bo‘lgan. Ikkalasi bilan ham o‘ynash baxtiga ega bo‘ldim, lekin Leo — mutlaqo boshqa daraja.
Krishtianu esa har doim ertalab soat 6 da birinchi bo‘lib keladi va eng oxirida ketadi. U — yulduz. O‘z rejimi, mashg‘ulotlari, fizioterapiyasi bor — doim eng yaxshi holatda bo‘lish uchun hammasini qiladi», — dedi Garay DAZN efirida.
