Angliya chempionatida allaqachon nechanchi bor bir xil manzara takrorlanmoqda — «Arsenal» mavsumning ikkinchi yarmida peshqadamlik qiladi, ammo yakunda chempionlikni boy beradi. Ushbu ssenariyni Angliya terma jamoasi sobiq hujumchisi Piter Krauch sharhlab o‘tdi va uning fikricha, bu yilgi vaziyat avvalgilaridan farq qiladi.

"Har yili sen qo‘shimcha tajriba to‘playsan. Artetada ajoyib jamoa bor. Lekin eng asosiysi — raqiblar inqirozda. Ularning barchasi hozir biz o‘rgangan darajada kuchli emas.

Shu jumladan «Manchester Siti» ham. Shu sababli «Arsenal»da hozir real imkoniyat bor", — deya Krauchning so‘zlaridan iqtibos keltiradi «BBC Sport».

Ma’lumot uchun, «Arsenal» oxirgi marta 2004 yilda Angliya chempioni bo‘lgan edi.