"Yuventus"ning afsonaviy sobiq futbolchisi Alessandro del Pyero hujumchi Kenan Yildiz haqida o‘z fikrini bildirdi.
"Kenanga beradigan maslahatim yo‘q, chunki u allaqachon voyaga yetgan va aqlli inson. U doimiy ravishda o‘z ustida ishlab, rivojlanishni xohlayotganini ko‘rsatmoqda. Yildiz "Yuventus"dagi faoliyatini zarur qat’iyat va insoniylik bilan qurmoqda. Agar bosh cho‘qqilarga erishishni istasangiz, bular eng asosiy fazilatlardir", — deya del Pyeroning so‘zlarini keltiradi Italiya OAVlari.
Joriy mavsumda Kenan Yildiz "keksa sinyora" safida barcha turnirlarda 32 ta uchrashuvda maydonga tushib, o‘z hisobiga 9 ta gol va 8 ta golli uzatmani yozdirib qo‘ydi.
