«Manchester Siti» APL turnir jadvalida «Arsenal» bilan o‘rtadagi farqni qisqartirdi.
Pep Gvardiola shogirdlari bugun APLning 27-turida «Nyukasl»dan ustun kelishdi — 2:1. «To‘pchilar» esa o‘zlarining so‘nggi o‘yinida «Vulverxempton» bilan durang o‘ynashgan edi (2:2). Endilikda jamoalar o‘rtasida bor-yo‘g‘i ikki ochko qoldi — 58 ga qarshi 56.
Turnir jadvalida uchinchi o‘rinni «Aston Villa» (51 ochko) egallab turibdi. To‘rtinchi pog‘onada hozirda «Chelsi» (45 ochko) bormoqda. Ushbu turdagi o‘yinini hali o‘tkazmagan «Manchester Yunayted» hisobida ham xuddi shuncha ochko mavjud.
