BMF kamari sohibi, braziliyalik Charlz Oliveyra 70 kg vazn toifasida UFC chempioni, mag‘lubiyatsiz kelayotgan 29 yoshli ispaniyalik Iliya Topuriya hamda yengil vaznda UFC vaqtinchalik kamari sohibi, amerikalik Jastin Getji o‘rtasidagi jang uchun o‘z prognozini bildirdi. Ushbu to‘qnashuv Oq uydagi UFC turnirining asosiy voqeasi bo‘ladi.
"Menimcha, Iliya Topuriya g‘alaba qozonadi. Topuriya ko‘proq qirrali jangchi deb hisoblayman", — dedi Oliveyra Vinnipegdagi "Savol-Javob" sessiyasi vaqtida.
Eslatib o‘tamiz, Jastin 37 yoshda. Amerikalik jangchi hisobida 27 ta g‘alaba (shulardan 21 tasi muddatidan oldin) va beshta mag‘lubiyat bor. Getji professional ringga 2011 yilda debyut qilgan.
Ispaniyalik sportchi aralash yakkakurashlar bo‘yicha professional jangchi sifatida 2015 yilning aprel oyida debyut qilgan. Shimoliy Amerika ligasida "Matador" 2020 yil oktyabr oyidan buyon ishtirok etib kelmoqda. Iliyaning rekordida 17 ta g‘alaba bo‘lib, ulardan faqat ikkitasi hakamlar qarori bilan qo‘lga kiritilgan, mag‘lubiyatlar esa yo‘q.
