Yarim himoyachi Rodri Ernandes Angliya Kubogi yarim finali doirasidagi «Sautgempton»ga qarshi bo‘lajak o‘yinda «Manchester Siti»ga yordam bera olmaydi. Bu haqda Tribal Football jurnalistlari xabar bermoqda.
Manba bergan ma’lumotlarga ko‘ra, «shaharliklar» ustozi Xosep Gvardiola Premyer-liga chempionligi uchun kurash ketayotgan bir paytda ispaniyalik xavbekning sog‘lig‘ini xavf ostiga qo‘ymaslikka qaror qilgan. Mutaxassis o‘z yetakchi o‘yinchisini chempionat doirasidagi «Everton»ga qarshi safar uchrashuvi oldidan asrab qolmoqchi.
APLning joriy mavsumida 29 yoshli yarim himoyachi 20 ta bahsda ishtirok etdi. Rodri o‘z hisobiga bitta gol yozdirib qo‘ygan va ikkita sariq kartochka olgan.
