Londonning "Arsenal" klubi bosh murabbiyi Mikel Arteta himoyachi Ben Uaytning jarohati haqida fikr bildirdi.
Angliyalik futbolchi Premyer-liganing yaqinda bo‘lib o‘tgan "Vest Xem"ga qarshi o‘yinida 28-daqiqadayoq majburiy ravishda almashtirilgan edi. Keyinchalik klub ma’lum qilganidek, o‘yinchi mavsum yakunigacha safdan chiqqan.
"Ko‘rinishidan, Ben uzoq vaqt o‘ynay olmaydi. U tezroq qaytishi uchun qo‘limizdan kelgan barcha ishni qilishimiz kerak, ammo buning uchun ko‘p, juda ko‘p haftalar talab etiladi", — deya ta’kidladi Arteta jurnalistlar bilan suhbatda.
Dushanba kuni, 18 may kuni "kanonirlar" o‘z maydonlarida 37-tur doirasida "Byornli"ni qabul qilishadi. 24 may kuni chempionatning yakuniy uchrashuvi "Kristal Pelas"ga qarshi bo‘lib o‘tsa, 30 may kuni "PSJ" bilan Chempionlar Ligasi finali rejalashtirilgan.













