Luka Vushkovich «Tottenxem»dan «Brayton» klubiga o‘tadi.

Klublar 19 yoshli himoyachining transferi bo‘yicha 46 million funt sterlingga kelishuvga erishishdi. Shuningdek, shartnomada 4 million funt miqdorida bonus to‘lovlari ham ko‘zda tutilgan, deb xabar bermoqda The Athletic nashri. Bundan tashqari, «shporlar» futbolchining keyingi sotuvidan tushadigan summaning 20 foiziga egalik qilishadi.

Xorvatiyalik futbolchi o‘tgan mavsumni ijara asosida «Gamburg» klubida o‘tkazdi. U Bundesliga doirasida 28 ta o‘yinda maydonga tushib, 6 ta gol urishga muvaffaq bo‘ldi.