Italiyaning «Sassuolo» klubi va Avstraliya terma jamoasi hujumkor yarim himoyachisi Kristian Volpato noqulay vaziyatga tushib qoldi. The Sun nashri xabariga ko‘ra, o‘tgan kechasi huquq-tartibot idoralari xodimlari 22 yoshli futbolchini tezlikni oshirgani uchun ikki marta to‘xtatishgan.
Birinchi marta tezlikni oshirgandan so‘ng, Volpato alkogol bo‘yicha test topshirgan va natija salbiy chiqqan. Biroq oradan biroz vaqt o‘tgach, Sidney polisiyasi haydovchini yana to‘xtatgan — bu safar yarim himoyachining organizmida kokain moddasi aniqlangan.
Volpato tezlikni oshirgani uchun jarimaga tortildi va uning haydovchilik guvohnomasi yarim yilga bekor qilindi. Shuningdek, keyingi tekshiruvlar uchun futbolchidan qo‘shimcha tahlillar olingan.
Volpato 2026 yilgi Jahon chempionatida ishtirok etgan edi. Avstraliya terma jamoasi tarkibida futbolchi uchta o‘yinda maydonga tushib, 1/16 finalgacha yetib borgan.
