«Tottenxem» hujumchisi Risharlison Braziliyaga qaytishni istamoqda.

GeGlobo ma’lumotiga ko‘ra, futbolchi klub bilan amaldagi shartnomasini bekor qilishni talab qilishda davom etmoqda. Bunga uning Angliya Premyer-ligasi va Chempionlar ligasi uchun jamoa qaydnomasiga kiritilmagani sabab bo‘lgan.

Manba ta’kidlashicha, Risharlison «Tottenxem» bilan kelishuvni bekor qilib, Braziliyaning «Vasko da Gama» klubiga qo‘shilishni xohlamoqda.

«Vasko da Gama» hujumchi bo‘yicha londonliklarga murojaat qilgan, ammo «Tottenxem» futbolchi uchun 23,2 mln yevro talab qilgan.

29 yoshli Risharlisonning «Tottenxem» bilan amaldagi shartnomasi 2027 yil iyuniga qadar mo‘ljallangan.