3cat ma’lumotiga ko‘ra, «Barselona» yozda amalga oshira olmagan Xulian Alvares transferini qishki transfer oynasida ham bitirishi qiyin bo‘ladi.

Manba ta’kidlashicha, kataloniyaliklarning ish haqi fondi yuqori ekani argentinalik hujumchini yanvarda o‘z safiga qo‘shib olish imkoniyatini murakkablashtirmoqda.

Alvares transferini amalga oshirish uchun «Barselona» sezilarli miqdorda daromad topishi va ayrim futbolchilarini sotishi kerak bo‘ladi.

Shu bilan birga, klub yuqori darajadagi markaziy hujumchini xarid qila olmaganini Rafinyaning joriy mavsum «to‘qqizlik» pozisiyasidagi yorqin o‘yini evaziga ma’lum darajada qoplamoqda.

Arzon narxda xarid qilingan Gabriel Jezus ham «Kamp Nou»dagi faoliyatini juda yaxshi boshlab, o‘z transferini oqlamoqda. Yosh hujumchi Hamza Abdelkarim esa markaziy forvard pozisiyasida qo‘shimcha variant sifatida jamoa ixtiyorida.