Chempionlar ligasining amaldagi g‘olibi "PSJ" Fransiya chempionatining navbatdagi turida "Strasburg"ni mag‘lub etdi. Biroq uchrashuv davomida parijliklar hujumchisi Usmon Dembele penaltidan foydalana olmadi.
Ma’lum bo‘lishicha, bu "PSJ" futbolchilarining joriy mavsumda amalga oshirgan to‘rtta penaltisidan uchinchisi muvaffaqiyatsiz yakunlanishi bo‘ldi. Boshqacha aytganda, Parij klubi bu mavsumda 11 metrlik zarbalarning 75 foizini golga aylantira olmagan.
"PSJ" safida joriy mavsumda penaltidan gol urishga muvaffaq bo‘lgan yagona futbolchi Lukas Beraldo hisoblanadi. U avvalgi turda "Le-Man"ga qarshi uchrashuvda 11 metrlik zarbani aniq amalga oshirgan edi.
Biroq o‘sha bahsning o‘zida Dezire Due ham penalti tepish imkoniyatiga ega bo‘lgan, ammo u ham 11 metrlik nuqtadan raqib darvozasini ishg‘ol qila olmagan.
