"Manchester Yunayted"ning sobiq bosh murabbiyi Erik ten Xag jamoasida hujumchi Xarri Keynni ko‘rishni istaganini ma’lum qildi.
"Men rahbariyatga faqat bitta futbolchini — Keynni sotib olishni xohlayotganimni aytdim. Uning "Manchester Yunayted"ga o‘tishga juda ijobiy munosabatda bo‘lganini eshitgandim, ammo biz u bilan bu masalani hech qachon muhokama qilmaganmiz. Oxir-oqibat nima bo‘lganini bilmayman", — deya ten Xagning so‘zlarini keltirmoqda The Athletic.
Keyn faoliyatining katta qismini "Tottenxem"da o‘tkazgan. 2023 yilning yozida hujumchi Myunxenning "Bavariya" klubiga ko‘chib o‘tgan. Transfer qiymati 95 million yevroni tashkil etgan.
Avvalroq niderlandiyalik mutaxassis "Manchester Yunayted" rahbariyatini yolg‘on gapirishda ayblagan edi.
