"Roma" darvozaboni Pyerluidji Gollini jamoaning asosiy kiperi Mile Svilar jarohati tufayli maydonga tushish imkoniyatiga ega bo‘ldi. U muxlislar uni unutmaganidan xursand.
"So‘nggi bir necha yilda ko‘p ham o‘ynamadim, ammo nimalarga qodirligimni bilaman. Jamoadoshlarim ham mashg‘ulotlarda buni ko‘rishmoqda. Futbolda hamma narsa nihoyatda tez o‘zgaradi: seni butunlay hisobdan chiqarib tashlashlari uchun olti oyning o‘zi yetarli. Hatto maydonga tushmagan paytlarimda ham yuqori saviyadagi professional muhitda, ajoyib futbolchilar orasida bo‘ldim. Men har doim o‘z qadrimni bilganman. Mile uchun afsusdaman — u qaytganida barchamiz uni qo‘llab-quvvatlaymiz. Ammo nihoyat mening ham imkoniyatim kelganidan xursandman", — deya Gollinining so‘zlarini keltiradi forzaroma.info nashri.
"Roma" A Seriyasining to‘qqizinchi turi birinchi o‘yin kunida "Kalyari"ni 4:2 hisobida mag‘lub etdi.
