Fransiya ham deyarli pley-offda!

Ушбу жаҳон чемпионатидаги голлари сони аста-секин рекорд сари яқинлашмоқда. Швейцария-Франция учрашуви ана шу тенденцияни давом эттирди ва мухлислар 7та голга гувоҳ бўлишди.

Французлар биринчи бўлимдаёқ ўйин тақдирини ҳал қилишди. Баҳснинг 17 ва 18-дақиқаларида киритилган 2та гол Швейцарияни "нокдаун"га учратган бўлса-да, уларнинг дарвозабони Бенальо Бензема томонидан амалга оширилган пенальтини қайтаришга муваффақ бўлди. Шунга қарамай, Дидье Дешам шогирдларим бўлим сўнгида ўзларининг учинчи голларини уришга муваффақ бўлишди.

Иккинчи бўлимда Бензема ўз хатосини тўғрилади ва мусобақадаги учинчи голини рақиб дарвозасига йўллади. Орадан кўп ўтмай айнан Каримнинг узатмасини Сиссико голга айлантирди.

Ҳисоб 5:0га етганидан кейин Франция бироз хотиржамликка берилди шекилли, Швейцария қолган дақиқаларда 2та гол уришнинг уддасидан чиқди.

Франция деярли нимчорак финал масаласини ҳал қилиб бўлганини таъкидлаб ўтиш лозим. Швейцария эса сўнгги турда Гондурасни мағлуб этса, плей-оффга чиқади.

ЖЧ-2014, "Е" ГУРУҲИ
ШВЕЙЦАРИЯ – ФРАНЦИЯ - 2:5 (0:3)
Голлар: 0:1 – 17 Жиру, 0:2 – 18 Матюиди, 0:3 – 40 Вальбуэна, 0:4 – 67 Бензема, 0:5 – 73 Сиссоко, 1:5 – 81 Жемаили, 2:5 – 87 Жака.
Швейцария – Бенальо, Лихтштайнер, Журу, фон Берген (Сендерос, 9), Родригес, Инлер, Беҳрами (Жемаили, 46), Шакири, Жака, Меҳмеди, Сеферович (Дрмич, 69).
Франция – Льорис, Дебюши, Варан, М. Сако (Косьельни, 66), Эвра, Матюиди, Кабай, Вальбуэна (Гризманн, 82), Сиссоко, Бензема, Жиру (Погба, 63).
Огоҳлантиришлар: Кабай (88).