• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG
• Eski STADION

Onlayn translyasiya

Англия Премьер-лигаси

11-тур. 8 ноябрь, соат 17:45
ЛИВЕРПУЛЬ Эмре Жан (9)	1 : 2	ЧЕЛСИ Гари Кейхил (14), Диего Коста (67)
JAMOALAR TARKIBI
22.Симон Миньоле 37.Мартин Шкртел 06.Деян Ловрен 02.Глен Жонсон 23.Эмре Жан 14.Жордан Хендерсон 10.Филиппе Коутиньо 18.Альберто Морено 31.Раҳим Стерлинг 08.Стивен Жеррард 45.Марио Балотелли		13.Тибо Куртуа 24.Гэри Кэхилл 26.Жон Терри 28.Сесар Аспиликуэта 02.Бранислав Иванович 07.Рамирес 08.Оскар 10.Эден Азар 21.Неманья Матич 04.Сеск Фабрегас 19.Диего Коста
ZAHIRA
01.Брэд Жонс 04.Коло Туре 21.Лукас Лейва 24.Жо Аллен 20.Адам Лаллана 29.Фабио Борини 09.Рики Ламберт		1.Петр Чех 3.Филипе Луис 5.Курт Зума Оби Микел Виллиан Лоик Реми Дидье Дрогба.

Matn

90+6'		ЎЙИН ТУГАДИ. Челси сафарда Ливерпуль устидан муҳим ғалабага эришди ва ўз пешқадамлигини мустаҳкамлади. Ливерпульга эса энди қийин бўлади.
90+6'		Ҳакам томонидан қўшиб берилган 6-дақиқа ҳам бошланди. Дрогба ўйинни чўзмоқда.
90+5'		Моуриньо айёр. Ўйиннинг сўнгги сонияларида яна бир футболчини алмаштирмоқда. Эден Азар ўрнига Фелипе Луис.
90+4'		Тибо Куртуа ҳам вақтни чўзгани учун огоҳлантирилди.
90+2'		Эден Азар майдон марказида анча ақлли ҳаракат қилди ва жамоаси учун жарима тўпи ишлаб олди.
90'		Ўйинга 5 дақиқа қўшиб берилди. Ливерпульга имконият.
90'		Мезбонлар эса бутун жамоа бўлим ҳужумга ўтишди.
89'		Диего Коста майдонни тарк этди. Дидье Дрогба ўйиннинг сўнгги дақиқаларида майдонда ҳаракат қилади.
87'		Джеррарднинг зарбасидан сўнг тўп Кейхилнинг қўлига тегди(ми?). Ҳакам жим. Ўйин давом этади.
86'		Яна бир огоҳлантириш. Бу сафар Диего Коста
85'		Челси ҳимояланмоқда.
83'		Оскар огоҳлантирилди. Ўйиннинг сўнгги дақиқалари бироз асабий кечадиганга ўхшайди.
81'		Балотелли бугун ҳам майдонни голсиз тарк этади. Унинг ўрнига Рикки Ламберт майдонга тушмоқда.
76'		Яна бир бурчак тўпи. Ҳаволатиб узатилаётган тўплар фойда бермагач, Джеррард бу сафар тўпни ерлатиб оширишга уринди. Аммо, у ҳам самарасиз.
75'		Ливерпульнинг навбатдаги бурчак тўпи ҳам фойда келтирмади.
74'		Зарбаааа!! Хендерсоннинг чамаси 10 метрлардан берган зарбаси Аспиликуетага тегиб дарвозага кириб кетиши мумкин эди. Омад мезбонлардан юз ўгирмоқда.
72'		Балотелли яна бир бор оффсайдда.
70'		Мухлислар ўз жамоасини олдинга бошлашмоқда. Энфилд жонланди.
68'		Брендар Роджерс бир эмас, иккита янги футболчини майдонга туширмоқда. Джо Аллен ва Фабио Борини майдонда. Эмре Жан ва Коутиньоларнинг ўрнига.
68'		Гол киритилган вазиятга Аспиликуета чап қанотдан жарима майдонига кириб дарвоза томон тўпни оширди, уни қайтаришга уринган Миньоле тўпни тўғри Костанинг оёқларига ташлаб берди. Бразило-испаниялик ҳужумчи эса бундай совғаларни йўқ қиладиганлардан эмас..
67'		ГОООЛ!! Диего Коста!! Челсини ҳисобда олдинга олиб чиқмоқда!
66'		Балотеллига сариқ карточка. Фабрегасни туртиб юборгани учун.
65'		Ҳудди шу дақиқанинг ўзида Челси чамаси 20 метрлардан ҳавфли жарима зарбасини тепмоқда.
65'		Кичик танаффус юзага келди. Иванович ҳаводаги курашда ерга ноқулай тарзда йиқилди.
62'		Гол муаллифи Эмре Жан ҳам ҳозир рақиб ҳужумини қайтаришда ўз жарима майдонида анча фойдали ўйин кўрсатди.
59'		Джонсон рақиб жарима майдонидаги курашда Аспиликуетадан усун келди. Аммо, ҳимоячиларга ёрдамга етиб келган Азар ҳужумни тўхтатди.
58'		Диего Коста Виллианни зарба бериш учун қулай позицияга чиқарди. Аммо, бразилиялик футболчининг зарбасини ҳимоячилар тўсишди.
56'		Майдонга эндигина тушган Виллиан анча дадиллик билан рақиб жарима майдонига киришга ҳаракат қилди. Морено унга имкон бермади ва тўпни жарима майдони ташқарисига чиқариб юборди.
55'		Моуриньо ҳужумни кучайтирмоқда. Рамирес ўрнига Виллиан майдонга тушди.
54'		Мана вазият!! Стерлинг яқин бурчакка ерлатиб зарба берди. Куртуа тўпни қийинчилик билан олиб чиқди!
52'		Стерлинг рақиб жарима майдонига тезлик билан яқинлашди, аммо унинг узатган тўпига Балотелли етиб кела олмади. Янаям аниқроғи, тўп Балотеллига етиб бормади.
49'		Рахим Стерлингни очиқчасига тўхтатиб қолгани учун Бранислав Иванович огоҳлантирилди.
48'		Фабрегаснинг яқин бурчак томон узатган тўпини лондонликлардан ҳеч ким эгаллай олмади. Иккинчи бўлимнинг илк дақиқалариан Челси футболчилари олдинга ташланишди.
46'		Ҳакам ҳуштаги чалинди ва иккинчи бўлим бошланди!
45'		Биринчи тайм тугади. Ўйиннинг илк дақиқаларида киритилган голлардан сўнг ҳисоб 1:1 бўлиб турибди.
43'		Ўйиндаги илк сариқ карточка Раҳим Стерлингга кўрсатилди!
42'		Биринчи бўлимнинг сўнгги дақиқалари Челси устунлигида ўтмоқда дейиш мумкин. Айнан уларнинг ҳужумлари бироз ҳавфли кўринмоқда.
39'		Челси футболчилари ажойиб прессинг эвазига мезбон футболчиларига эркин ҳаракат қилишга имкон қолдиришмаяпти. Диего Коста эса унчалик кучли бўлмаган зарбаси билан Миньолени синовдан ўтказди.
35'		Челсининг тезкор ва чиройли қарши ҳужуми Азарнинг зарбаси билан якунланди. Аммо, унинг зарбаси дарвозага ҳавф туғдирмади.
33'		Челсининг ҳар бир стандарт вазиятдан тўпни ўйинга киритиши, Ливерпуль мухлисларини ҳавотирга солиб қўймоқда.
31'		Тўпга эгалик қилиш фоизи бўйича Ливерпуль 62% билан устунлик қилаётган бўлса ҳам, Челсининг кам сонли ҳужумлари анча ҳавфли тус олмоқда.
27'		Коутиньонинг ҳавфли зарбасини Куртуа қайтарди.
24'		Диего Коста ўзига ҳос бўлган услубда ҳаракат қилишни бошлади. Тўпга ета олмаган вазиятда Шкртелни туртиб юборди. Ҳар иккала футболчи бир-бирини "ширин" сўзлар билан сийлашга улгурди. Ҳакам жим.
22'		Джеррард ижросидаги навбатдаги бурчак тўпи ҳам ҳеч қандай фойда келтирмади. Ҳаводаги курашларда Челси ҳимоячилари рақибга имкон қолдиришмаяпти.
20'		Мана вазият!! Стерлинг ҳисобни яна Ливерпуль фойдасига ошириши мумкин эди. Унинг зарабасини Кейхил тўсиб қолди.
17'		Балотелли гол урди. Фақат оффсайддан. Ливерпуль босимни оширмоқда.
15'		Бурчак тўпи амалга оширилган бир нечта зарбани қайтарган Миньоле Кэйхилнинг сўнгги зарбасига ета олмади. Албатта бир қарашда голни аниқлаш қийин бўлди!
14'		ГООООЛ! Тезкор голга тезкор жавоб! Гари Кейхил!
12'		Диего Коста чап қанотдан тезлик билан жарима майдонига кириб келди ва зарба берди. Унинг зарбасига Шкртел тўсқинлик қилди.
10'		Ливерпуль ўйинни анча яхши бошлади. Ўйин бошидан анча дадил ўйнаган Роджерс шогирдлари тезкор гол уришди. Ўйин бугун жуда қизиқ кечадиганга ўхшайди.
9'		ГОООЛЛ! Эмре Жан Ливерпульни ҳисобда олдинга олиб чиқмоқда!!
6'		Моренонинг рақиб жарима майдонига оширган тўпини Балотелли эгаллаб олди. Аммо, италиялик ҳужумчи ортиқча ҳаракатлар қилиб юборди ва тўпни олдирди.
4'		Энди эса Челсининг ҳавфли қарши ҳужуми. Фабрегас марказда икки футболчини чиройли тарзда ортда қолдирди Диего Костани қулай вазиятга чиқармоқчи бўлди. Мезбонлар унинг пасини қайтаришди.
2'		Ливерпульнинг илк ҳужумиёқ жуда ҳавфли кўриниш олди. Эмре Жан 25 метрлардан зарба берди. Бироз ноаниқ....
1'		ЎЙИН БОШЛАНДИ!
'		Жамоалар майдонда! Яна бир неча сониялардан кейин ўйин бошланади.
'		Ливерпуль учун бу баҳс катта аҳамиятга эга эканини қўшимча қилиш лозим. Брендан Роджерс шогирдлари чемпионатни кўнгилдагидек бошлай олишмади. Қолаверса Джеррард бошчилигидаги ливерпулликларнинг Челси билан ўзига ҳос ҳисоб-китоби бор. Ўтган мавсум Ливерпуль айнан Челсига мағлуб бўлиб, чемпионликни бой берган эдилар. Кўрамиз, Ливерпуль бугун Моуриньо шогирдларига қарши қандай ўйин намойиш этишади..
'		Яна бир неча дақилардан сўнг "Энфилд"да Ливерпуль ва Челси жамоалари АПЛ 11-тур баҳсида ўзаро ҳисоб-китоб қилиш майдонга тушиб келишади.