«Атлетико» бош мураббийи Диего Симеоне жорий мавсумда кутилган натижаларни кўрсата олмаётган Адемола Лукманни қўллаб-қувватлади.
«Мавсум Лукман истагандек бошланмади. Аммо Хулиан Альварес ҳам қийин даврни бошдан кечириб, уни енгиб ўтган. Гризманнда ҳам гол ура олмаган пайтлар бўлган.
Лукман биз учун жуда муҳим. У яккама-якка вазиятлардаги энг кучли футболчиларимиздан бири. Ҳужумларни якунлашда голга олиб келадиган вазиятлар ярата олади. Мен унга жуда ишонаман.
Унинг тушкунликка тушишини истамайман. Меҳнат қилишда ва ўзига ишонишда давом этиши керак. Шунда яна гол уриб, голли узатмалар беради ва ишончини қайтаради», — дея Симеоненинг сўзларини келтиради AS.
29 ёшли нигериялик футболчи 2026 йил февралида «Аталанта»дан «Атлетико»га ўтган. Жорий мавсумда у 12 та учрашувда 2 та гол ва 1 та голли узатма қайд этди.
