"Атлетико"нинг собиқ футболчиси Марио Суарес "Барселона" бош мураббийи Ханс-Дитер Фликнинг таркибдаги ротация сиёсати ва етакчи футболчиларга тушаётган юкламани танқид қилди.
"Масалан, Родри нима учун "Алавес"га қарши 90 дақиқа ўйнаб, "ПСЖ"га қарши тўлиқ ўйнамаганини тушунмайман. Энди эса "Астон Вилла" ва "Атлетико" билан баҳсларда унга дам бермоқчисиз.
Педри ва Родри қарийб 1000 дақиқадан ўйнаган, Ламин Ямал эса бу кўрсаткичдан анча ўтиб кетган.
"Барселона" бештадан ортиқ ўйинда икки-учта гол фарқи билан олдинда борган. Бундай вазиятларда етакчиларга дам бериш мумкин эди.
Футболчи апрель ёки май ойига келиб 500-600 дақиқа камроқ ўйнаган бўлса, бу унинг жисмоний ҳолатида сезилади.
"ПСЖ" Франция чемпионатида футболчиларининг ўйин вақтини тўғри тақсимлаб, уларни муҳим учрашувларга энг яхши ҳолатда тайёрлайди. "Барселона" ҳам йирик ҳисобларда ғалаба қозаётгани учун бундай имкониятга эга", — деди Суарес.
