«Манчестер Сити» ҳужумчиси Эрлинг Холанднинг отаси Альф-Инге Холанд ўғлининг Англия клубини тарк этиши эҳтимоли ҳақида фикр билдирди.
26 ёшли норвегиялик футболчининг келажагига «шаҳарликлар» дуч келаётган ҳуқуқий муаммолар таъсир қилиши мумкин.
«Менимча, суд жараёни натижасини кутишимиз керак. Ҳаммаси тез орада ҳал бўлиши мумкин. Бироқ мухлислар, рақиблар ва айниқса, журналистлар клубни нишонга олган.
Шунинг учун вазият қандай якунланишини кутамиз. «Манчестер Сити» раҳбарияти клубнинг айбсизлигини исботлайдиган кучли далилларга эга эканига ишонмоқда», — дея Холанднинг сўзларини келтиради BBC Sport.
Эслатиб ўтамиз, Эрлинг Холанд 2022 йилдан буён «Манчестер Сити» шарафини ҳимоя қилмоқда.
