Англиялик собиқ футболчи Пол Мерсон "Манчестер Юнайтед"нинг ҳозирги аҳволи ва клуб раҳбариятининг трансфер сиёсатини кескин танқид қилди.
"Челси"дан 0:2 ҳисобида мағлуб бўлган манкунианликлар АПЛ жадвалида охиридан тўртинчи ўринга тушиб қолди. Мерсон жамоа 5 декабрдаги "Ковентри"га қарши ўйингача хавфли ҳудудга тушиб қолиши мумкинлигини айтди.
"МЮ" қуйи лигага тушиб кетади, деб ўйламайман. Мутлақо. Аммо бу биз билган "Манчестер Юнайтед" эмас.
Муаммоларни тезда ҳал қилиб бўлмайди. Раҳбарият кўп нарсада хато қилди. Дастлабки трансфер ойнасида асосий эътибор ҳужум чизиғига қаратилди, аммо бу етарли эмасди.
Кўлмак устига уй қуриб бўлмайди", — деди Мерсон.
Унинг фикрича, жамоадаги муаммолар фақат бош мураббий Майкл Кэррикка боғлиқ эмас. Таркибнинг мувозанатсизлиги ва захира имкониятларининг чеклангани вазиятни янада мураккаблаштирмоқда.
Мерсон шунингдек, агар сэр Алекс Фергюсон жамоани бошқарганида, қизил карточка олган Лисандро Мартинес бошқа "МЮ" сафида майдонга тушмаслигини таъкидлади.
