Франциянинг "ПСЖ" клуби "Борнмут" ҳужумчиси Эли Жуниор Крупига қизиқиш билдирмоқда. Парижликлар футболчининг трансфери учун "Барселона" билан рақобатлашиши мумкин.
El Nacional нашрининг хабар беришича, "Барселона" ўтган ёзда француз ҳужумчисини қўлга киритиш учун икки марта таклиф юборган, аммо иккаласи ҳам рад этилган.
Эндиликда Крупи учун курашга "ПСЖ" ҳам қўшилган. Парижликлар ҳужумчиси Усмон Дембеле ёш футболчи билан мулоқот қилиб, унга Луис Энрике бошқараётган жамоа лойиҳаси ҳақида маълумот берган.
Қайд этилишича, Дембеле ва Крупининг манфаатларини бир агент ҳимоя қилади. Бу ҳолат "ПСЖ"нинг трансфер бўйича музокараларига ёрдам бериши мумкин.
