«Барселона»нинг 19 ёшли қанот ҳужумчиси Ламин Ямал УЕФА Чемпионлар лигасида Килиан Мбаппега тегишли тарихий рекордни янгилади.
Испаниялик футболчи мусобақа умумий босқичи 4-туридан ўрин олган «Астон Вилла»га қарши учрашувнинг 7-дақиқасида рақиб дарвозасини ишғол этиб, ҳисобни очди.
Бу Ямал учун Чемпионлар лигасидаги 14-гол бўлди.
Шу тариқа, «Барселона» вингери Чемпионлар лигаси тарихида 20 ёшга тўлмасдан энг кўп гол урган футболчига айланди.
Бунга қадар мазкур рекорд франциялик ҳужумчи Килиан Мбаппега тегишли бўлиб, у 20 ёшгача бўлган даврида Чемпионлар лигасида 13 та гол уришга муваффақ бўлган эди.
Ямал эса ушбу кўрсаткични ортда қолдириб, мусобақа тарихидан жой олди.
