Франциялик журналист Даниэль Риоло Чемпионлар лигасининг амалдаги форматини танқид қилиб, мусобақада фақат 16 та кучли жамоа иштирок этиши кераклигини таъкидлади.
«Чемпионлар лигаси учинчи мавсумдан буён шу форматда ўтказилмоқда. Айримлар бу ўзгариш мусобақани янада томошабоп қилиш учун ўйлаб топилган деб соддалик билан ишонишмоқда.
Аслида эса формат, биринчи навбатда, пул учун ва Суперлига лойиҳасига қарши жавоб сифатида яратилган. Улар бундай даромаддан воз кеча олмасди.
Келинг, 16 та жамоадан иборат мусобақа ўтказайлик. Унда фақат энг кучли клублар қатнашсин ва сентябрдан майгача ажойиб ўйинлардан завқ олайлик.
Ҳозирги форматдаги турли ҳисоб-китоблар жонимга тегди. Бундай бемаънигарчиликни бас қилиш керак! Ҳар бир ўйин аҳамиятли бўлса, барча учрашувлар қизиқарли кечади», — деди Риоло RMC Sport телеканалидаги After Foot дастурида.
Журналистдан энг кучли жамоаларга мисол келтириш сўралганда, у «Астон Вилла»ни тилга олди ва клуб ҳозирда кучли саккизликда эканини таъкидлади.
«Сешанба кунги ўйин мен учун қизиқ бўлмади, чунки унинг аҳамияти йўқ эди. Ягона ечим — мусобақада фақат 16 та элита жамоаси қатнашиши.
«Слован» — «ПСЖ» учрашуви кимгадир қизиқ эканига бизни ишонтиришни бас қилинг. Бу бемаънилик», — дея қўшимча қилди Риоло.













