«Милан» бош мураббийи Рубен Аморим жамоанинг энг катта камчилиги рақибни жарима майдонига яқин ҳудудда босим остида ушлаб туриш ва тўпни ўша ерда назорат қилиш борасидаги қийинчиликлар эканини тан олди.
«Бизда ўйинни назорат қилиш истаги бор. Айрим учрашувларда бунинг уддасидан чиқамиз, баъзиларида эса йўқ. Бироқ аксарият баҳсларда ташаббусни ўз қўлимизга олишга ҳаракат қиламиз. Бизнинг ўйин услубимиз ҳам шунга асосланган.
Рақибни ўз жарима майдонига яқинлаштириб, ўша ҳудудда тўпни сақлаб қолиш ва кўпроқ голли вазиятлар яратиш борасида имкониятларимиз етарли эмас. Бу — жамоамизнинг энг катта муаммоси. Шунингдек, ўйин давомида ва бутун мавсум мобайнида барқарорликни сақлашимиз керак», — деди мураббий.
