ОФК Чемпионлар лигаси-2 мусобақасининг А гуруҳида 4-тур учрашувлари якунланди.
Тўртта баҳсдан кейин Бирлашган Араб Амирликларининг «Ал-Ваҳда» клуби 9 очко билан гуруҳда пешқадамлик қилмоқда. Иккинчи ўринни 6 очко жамғарган Кувайт СК эгаллаган.
Ўзбекистоннинг «Насаф» клуби эса 4 очко билан учинчи поғонага жойлашди. Қаршиликлар тўртта учрашувда 4 та гол уриб, ўз дарвозасидан 5 та тўп ўтказиб юборган.
Баҳрайннинг «Ал-Халдия» жамоаси ҳам 4 очко тўплаган, бироқ тўплар нисбати бўйича «Насаф»дан ортда қолмоқда.
ОЧЛ-2. А гуруҳи. 4-турдан кейинги жадвал:
«Ал-Ваҳда» — 4 ўйин, 9 очко (8:6)
Кувайт СК — 4 ўйин, 6 очко (8:7)
«Насаф» — 4 ўйин, 4 очко (4:5)
«Ал-Халдия» — 4 ўйин, 4 очко (4:6)
Гуруҳ босқичи якунланишига икки тур қолган. «Насаф» иккинчи ўриндаги Кувайт СКдан икки очко ортда бормоқда. Шу боис қаршиликлар кейинги босқичга чиқиш учун курашни давом эттиради.
5-тур. 25 ноябрь
18:45. «Насаф» – «Ал-Халдия»
Мазкур учрашувдаги натижа ҳар икки жамоанинг гуруҳдаги кейинги имкониятларига таъсир кўрсатади.
