"Ливерпуль"нинг собиқ ҳимоячиси Жейми Каррагер жамоанинг Чемпионлар лигаси умумий босқичида "Фенербахче"дан учраган мағлубиятидан (2:3) сўнг клуб раҳбариятини танқид қилди.
Андони Ираола шогирдлари Туркиядаги учрашув давомида икки марта ҳисобда олдинга чиқди, бироқ 73 ва 79-дақиқаларда гол ўтказиб юбориб, якунда мағлубиятга учради.
"Ливерпуль" жуда қимматбаҳо таркибга эга, аммо жамоа ўз имкониятига яраша ўйин кўрсатмаяпти. Таркибда мувозанат етишмайди.
Мени мураббийнинг ишидан кўра клуб қандай бошқарилаётгани кўпроқ хавотирга солмоқда. Рио Нгумоа ва Трей Ньони бу учрашувда жамоанинг энг яхши футболчилари бўлишди. Аммо улар айнан "Ливерпуль" катта маблағ сарфлаб кучайтирган позицияларда ҳаракат қилишмоқда.
Бу эса трансферлар учун ажратилган пуллар оқилона сарфланмаганини кўрсатади", — дея Каррагернинг сўзларини келтиради CentreGoals.
"Ливерпуль" Чемпионлар лигаси умумий босқичининг дастлабки 4 та турида 9 очко жамғарган.













