"Реал" вингери Винисиус Жуниор Ла Лиганинг 10-туридан ўрин олган “Барселона” (2:1) учрашувида 72-дақиқада майдонни тарк этганидан сўнг ўзининг захирага олинганидан норози бўлди. Беллашув Мадриддаги “Сантьяго Бернабеу” стадионида бўлиб ўтди.

Асосий вақтнинг тугашига 18 дақиқа қолганда “Реал” бош мураббийи Хаби Алонсо Винисиус ва уругвайлик Федерико Вальвердени майдондан олди, ўрнига ҳимоячи Даниэль Карвахаль ва ҳужумчи Родригони туширди.

Винисиус Жуниор бу қарордан қаттиқ норози бўлиб, жаҳл билан ўз норозилигини ифода этди.

Бразилиялик футболчи майдонни тарк этганидан сўнг Алонсога нисбатан ўз  шикоятини билдирди ва дарҳол трибуна ости ҳудудига йўл олди. Бироз вақт ўтиб, у захира ўриндиғига қайта келиб, ўйиннинг сўнгги қисмига жамоадошлари билан бирга томошабин сифатида кузатди.