"Барселона" ҳимоячиси Жюль Кунде якшанба куни Ла Лига доирасидаги "Вильярреал"га қарши ўйинида захирага олинди.
Журналист Хави Мигелнинг AS нашрига таяниб хабар беришича, Кунде тизза ости пайини жароҳатлаб олган. Франциялик ҳимоячи Испания Суперкубогини ўтказиб юбориши мумкин.
Испания Суперкубоги ярим финалида "Барселона" "Атлетик"ка қарши баҳс олиб боради. Ўйин 7 январь куни бўлиб ўтади.
Бу "кўк-анорранглилар"нинг 2026 йилдаги иккинчи ўйини бўлади - 3 январь куни Ханс-Дитер Флик жамоасини Ла Лигада "Эспаньол"га қарши дерби кутиб турибди.
Эслатиб ўтамиз, "Барселона" сафарда Рафинья ва Ламин Ямалнинг голлари эвазига "Вильярреал"ни 2:0 ҳисобида мағлуб этди.













