15 март куни “Олд Траффорд” ўйингоҳида “Манчестер Юнайтед” Лондоннинг “Тоттенҳем” жамоасини қабул қилди ва 3:0 ҳисобидаги ғалабани тантана қилди.
Ўйин масаласи биринчи таймдаёқ ҳал бўлди. Аввалига 9-дақиқада Феллайни ҳисобни очди, 10 дақиқа ўтиб Керрик ҳисобни 2:0 кўринишига келтирди. 34-дақиқада эса Руни орадаги фарқни 3тага етказгач, амалда ўйин тақдирини ҳал қилди.
Уэйн эса ўз голини боксга тушган ҳолда, нокаутга "учраганини" намойиш қилиб нишонлади. Руни ўз уйи ошхонасидаги бокс тушиб, нокаут бўлган ҳолат видеоси интернетда тарқалгани бунга сабаб бўлди.
