Kun.uz: ФИФАнинг амалдаги президенти Йозеф Блаттер ФИФА президентлиги учун сайлов олдидан ВВС ва Sky телеканалларида ташкил этиладиган дебатларда иштирок этишдан бош тортди.
Блаттернинг уч нафар қолган рақобатчилари эса ушбу тадбирнинг барча шартларига рози бўлишган ва унда иштирок этишга розилик билдиришган
Маълум қилинишича, ВВС ва Sky бундай дебатларни жаҳон футболининг биринчи рақамли инсони бўлишга даъвогарлик қилаётган номзодларнинг мухлисларни қизиқтирган саволларга жавоб бериши учун ташкил қилишни режалаштирмоқда.
ФИФА президентлиги учун сайловлар жорий йилнинг 29 май куни Швейцариянинг Цюрих шаҳрида бўлиб ўтади. 79 ёшли Блаттерга «Барселона», «Реал» ва «Интер» клублари собиқ футболчиси Луиш Фигу, Иордания шаҳзодаси ва мамлакат футбол федерацияси раҳбари Али бин ал-Ҳусайн ва Нидерландия қироллиги футболи Кенгаши президенти Михаэль ван Праглар рақиб бўлишади.
