“Пахтакор” – “Бунёдкор” учрашувидан кейинги матбуот анжуманининг биринчи қисмида меҳмон жамоа устози иштирок этди, деб ёзади “қалдирғочлар” расмий сайти.

- Тенг ва курашларга бой ўйинда “Пахтакор”га омад кулиб боқди. Умуман олганда, бугун ёмон ўйнамадик. Бу – футбол! Жонли курашларда кимдур хато қилиши мумкин. “Бунёдкор” рақибнинг тўртта хатосининг биттасидан ҳам самарали фойдалана олмади. “Пахтакор” эса битта хатоимизни гол билан жазолади. Рақибни ғалаба билан табриклайман.

Биз бугун фақат ва фақат ғалаба учун майдонга тушгандик. Учала футболчи алмаштириш ҳам мажбурий бўлди. Бу эса режаларимизни ўзгартириб юборди. Осиё Чемпионлар лигасидани қийинчиликлардан сўнг ўйинимизни топиб олдик. Охирги учта ўйинда ғалаба қозонгандик. Бугун ҳам ютиш бош мақсадимиз эди. Ҳар ҳолда 3-лига клубига эмас, тенг ўйинда чемпионга мағлуб бўлдик, - дейди Сергей Иванович.