Жанубий Корея “К-лига”си баҳсларининг 20-тури бўлиб ўтди.
Ўзбекистон миллий терма жамоаси сардори Сервер Жепаров фаолият олиб бораётган “Ульсан” жамоаси ушбу турда сафарда “Чуннам Драгонс” клубига қарши майдонга тушди. Эътиборлиси, Сервер Жепаров ушбу ўйинда 90 дақиқа ҳаракат қилиш билан бирга, ўйиннинг 86-дақиқасида рақиб дарвозасини ишғол қилишга эришди. Бироқ бу гол унинг жамоасини мағлубиятдан қутқариб қололмади. Жамоа бунга қадар иккита гол ўтказиб улгурган эди.
“Ульсан Хюндай” ҳозирги вақтда 20-турдан кейин 20 очко тўплаган ҳолда турнир жадвалининг 10-поғонасида бормоқда.
Сервер Жепаровнинг ушбу мавсумда “Ульсан” таркибида киритган голлари сони 4тага етди.