Чилига қарши ўйинда четлатилган Уругвай терма жамоаси ҳимоячиси Хорхе Фусиле Алексис Санчеснинг спортчиларга хос бўлмаган ҳаракатлари ҳақида сўзлаб берди.
"Тўпга биринчи бўлим мен тегдим. Бошқа ҳар қандай футболчи устимдан сакраб ўтган бўлар эди. Аммо Алексис Санчеснинг мияси жойида эмасга ўхшайди. Мен тўхтай олмасдим ва шу сабаб унга зарба бердим. Ўйин пайтида суҳбатлашдик, майли бу гаплар майдонда қолсин. Бундай одамни нима дейишга бошим қотиб қолди.
Энг ёмони, бу вазиятдан сўнг у ҳакамга "У мени уряпти" деб эътироз билдирди" - дейди Фусиле.
