Германия футбол иттифоқи президенти Вольфганг Нирсбах мамалакат 2006 йилги жаҳон чемпионатини ўтказишни қонуний қўлга киритганини таъкидлади.
Аввалроқ, Spiegel нашри немислар сайловларда қўллаб қувватлашлари учун 2000 йилда Осиёнинг бир нечта вакилини сотиб олгани ҳақида мақола эълон қилган эди.
"Овозларни сотиб олиш ҳақидаги миш-мишлар абсурд. Ҳаммаси тоза бўлган ва ҳеч қандай қора фондлар бўлмаган ва Германия жаҳон чемпионати мезбонлигини ҳаққоний қўлга киритган. Бунга барча футбол мухлисларини ишонтиришим мумкин. Spiegel ҳеч қандай далиллар келтира олмаган ва аноним манбадан келтирилган иқтибос шу мақоланинг ўзидаёқ рад этилган. Қайтараман, Германия мундиал мезбонлигини сотиб олмаган", - дейди Нирсбах.
