6 февраль куни Осиё чемпионатига тайёргарлик кўраётган Ўзбекистон ва Иордания терма жамоалари ўртасидаги ўртоқлик учрашуви бўлиб ўтди.

Учрашув Хосе Мария Мендез шогирдларининг тезкор голи билан бошланди. 5-дақиқада Жамолиддин Шарипов ҳисобни очди. 14-дақиқада Артур Юнусов рақиб дарвозасига иккинчи тўпни киритди. Дастлабки бўлимда мухлислар бошқа гол кўришмади.

Иккинчи бўлим бошида Фарҳод Абдумавлонов ҳисобни йирик кўринишга келтириб қўйди - 3:0. Орадан 4 дақиқа ўтгач Даврон Чориев навбатдаги марта иорданияликлар дарвозасини ишғол қилди. Учрашув тугашига 2 дақиқа қолганида рақиб мураббийи ўйновчи дарвозабонни туширди. Тўпни олиб қўйган Жамолиддин Шарипов Иорданияни жазолади - 5:0. Баҳс айнан мана шу ҳисоб билан ўз ниҳоясига етди.

Эслатиб ўтамиз, Ўзбекистон терма жамоаси Осиё чемпионатининг дастлабки турини 10 февраль куни Саудия Арабистонига қарши ўтказади.

Ўртоқлик учрашуви
"Ёшлик" спорт мажмуаси. 6.02.2016
Ўзбекистон - Иордания 5:0
Ҳакамлар: Никита Афинагенов, Шовкат Муҳиддинов, Отабек Қосимов.
Голлар: Жамолиддин Шарипов 5, - 1:0,  Артур Юнусов 14, - 2:0. Фарҳод Абдумавлонов 24, - 3:0. Даврон Чориев 28, - 4:0. Жамолиддин Шарипов 38, - 5:0.
Ўзбекистон: 1.Рустам Умаров, 2.Дилшод Ирсалиев, 3.Нодир Элибоев, 4.Феруз Фахриддинов, 5.Даврон Чориев, 7.Дилшод Рахматов, 8.Фарход Абдумавлонов, 9.Андрей Шлема, 10.Жамолиддин Шарипов, 11.Артур Юнусов, 12.Клим Тюгаев, 13.Жавлон Аноров, 14.Константин Свиридов, 16.Акмал Хазратқулов.
Иордания: 1.Холид Авад, 8.Аҳмад Абу Араб, 7.Муҳаммад Алзуод, 24.Муҳаммад Алваде, 3.Нуриддин Атеф Али, 10.Иброҳим Қандил, 16.Амжед Алқрум, 15.Суҳаиб Абед, 5.Валид Фаиқ, 2.Аҳмад Ал Ашран, 11.Самер Самиҳ, 13.Мутаз Шика, 9.Маҳди Қандил, 12.Анас ал-Масси.