“Нефтчи” билан бўладиган 11-тур учрашувига тайёргарлик кўраётган жамоамиз футболчилари бугун ўзаро назорат ўйинни  ўтказдилар. “Қизиллар” ва “Кўклар” ўртасидаги баҳс “Марказий” ўйингоҳда бўлиб ўтди.

Назорат учрашуви

“Қизиллар” –  “Кўклар” – 3:1

Голлар: Отақўзиев, Акрамов (2 та) – Алимов.

“Қизиллар”: Р. Матнизов (А. Бакланов), Д. Турсунов, Ж. Кимсанов, О. Мамажонов, Н. Қўзибоев, А. Олимов, Н. Отақўзиев, А. Нурбоев, Б. Акрамов, О. Зокиров, Ф. Ҳасанбоев.

“Кўклар”: Ғ. Хасанов, М. Зокиржонов, А. Зиявиддинов, И. Маликжонов, И. Ильин, А. Маматхўжаев, О. Ҳайдаров, Н. Алимов, А. Юсупов (А. Соипов), М. Қурбонов (С. Қахоров), О. Рустамов.

Учрашувни фаол бошлаган “кўклар” 9-дақиқада Наврўзбек Алимовнинг узоқ масофадан берган зарбаси эвазига ҳисобни очишди. Ўтказиб юборилган голдан сўнг рақиблар ҳам аста-секин ҳужумга ўта бошлашди.

Учрашувнинг 23-дақиқасида Носир Отақўзиев – Баҳодир Акрамов комбинациясидан сўнг, Баҳодир чиройли зарба билан дарвозани ишғол қилди. Шу тариқа биринчи бўлим 1:1 ҳисоби билан якунланди.

Учрашувнинг 2-бўлимида “кўклар” таркибида 2 та ўзгариш амалга оширилди. Миржалол Қурбонов ўз ўрнини Сардор Қоҳоровга бўшатиб берган бўлса, Абдул Азиз Юсупов ўрнига Аслиддин Соипов майдонга тушди. “Қизиллар”да эса дарвозани Руслан Матниязов ўрнига Андрей Бакланов қўриқлади.

Иккинчи бўлимни фаол ўтказган қизил формалилар яна иккита гол уришга эришдилар. Носир Отақўзиев дарвозабондан қайтган тўпни голга айлантирган бўлса, Боҳодир Акрамов ҳимоячиларнинг хатосидан фойдаланиб ўз дублини расмийлаштирди.

Шу тариқа ўзаро ўйин 3:1 ҳисобида “қизиллар”нинг ғалабаси билан якунланди.