ЖЧ-1986 нинг чоракфиналида Аргентина ва Англия терма жамоалри куч синашди. Ўйинда 2:1 ҳисобида аргентиналиклар ғалаба қозонишди. Марадона 4 дақиқа ичида 2та гол урди ва жаҳон чемпионатлари тарихидаги энг катта фирибни амалга оширди.
51-дақиқада инглиз ҳимоячиси Стив Хож тўпни қайтаришда хатога йўл қўйди. Тўп жарима майдони ичида ҳавога кўтарилганда, унга дарвозабон ҳам, Марадона ҳам сакради. Боши билан зарба беришга кўзи етмаган Марадона қўли билан тўпни дарвозага буриб юборди. Буни тунислик ҳакам Али бин Носир ва болгариялик ён ҳакам Богдан Дочевдан бошқа ҳамма пайқади. Аргентина 2:1 ҳисобида ғалаба қозониб, яримфиналга чиқди.
Ўйиндан сўнг уюштирилган матбуот анжуманида Марадона бу вазият ҳақида ҳазиломуз гапирди. “Бу вазиятда менга фалакнинг ўзи ёрдам бериб юборди, балки бу Парвардигорнинг қўлидир” - деди Марадона кулиб.
