«Барселона» ҳужумчиси Лионель Месси ўзининг жамоадоши Неймар ҳақидаги фикрлари билан ўртоқлашди.

«Мен уни «Сантос»да ўйнаб юрган пайтидан бери биламан. Отасини эса яна ҳам аввалроқдан танирдим: у билан Декунинг хайрия учрашувида кўришгандик. Айнан футбол ҳақида гапирадиган бўлсак, Неймарни Бразилия чемпионати ва Либертадорес кубоги орқали яхши билардим.

Унинг инсоний жиҳатлари мени ҳайрон қолдиради. У ҳали ёш, қувноқ, бахтиёр ва беғубор. Ақлбовар қилмас инсон. У менинг мухлисим эканини ҳамиша айтади. Бу нарса мени бироз хижолат чектиради. Боиси, у бу ҳақда тўғридан-тўғри юзимга айтади.

У сафимизга қўшилганида, шундай гапираётган бўлса, демак аслида ҳам шундай эканини тушуниб етганман. Унинг сўзларидан хурсанд бўлганман. У билан муносабатларимиз ҳамиша яхши бўлиб келган», – дейди Месси.